العربية | English






        
لیستى سه‌ره‌كى
Skip Navigation Links
ماڵپه‌ڕ
ده‌رباره‌ى وه‌زاره‌تExpand ده‌رباره‌ى وه‌زاره‌ت
هه‌واڵ و چاڵاكیExpand هه‌واڵ و چاڵاكی
ئامار و توێژینه‌وهExpand ئامار و توێژینه‌وه
سكاڵای کەسوکاری شەھیدان
دادگای باڵای تاوانه‌كان
دۆكيۆمێنت
لێژنه‌ى باڵاى جينۆسايد
كتێبخانه‌
گه‌له‌ری‌Expand گه‌له‌ری‌
به‌سته‌ر
په‌يوه‌ندى
مارشی ئه‌نفال
راپۆرتی‌ چالاكییه‌كان

راپۆرتی كاروچالاكییه‌كانی به‌رێوبه‌رایه‌تی گشتی دهۆك له‌ ماوه‌ی شه‌ش مانگی یه‌كه‌می ساڵی 2012


Anfal minister steps up efforts on international recognition of Kurdish genocide during London-Hague visit


هه‌لی دامه‌زراندن لە وەزارەتی کاروباری شەهیدان و ئەنفالکراوان


شوینی گۆرە بەکۆمەلە هەلدراوەکانی عراق لەسەر نەخشەی زیندوی گۆگل


نەخشەی شالاوەکانی ئەنفال
 
وه‌زیرى کاروبارى شه‌هیدان : که‌یسى تاوانى کۆمه‌ڵکوژى صۆریا هاوشێوه‌ى که‌یسه‌کانى ترى تاوانه‌کانى ڕژێمى به‌عسه‌
16/09/2019 11:35 ص

ئه‌مڕۆ دووشه‌ممه‌ 16 ى ئه‌یلولى 2019 ،له‌شارى دهۆک ساڵیادى تاوانى گوندی صۆریا که‌به‌رامبه‌ر مه‌سیحیه‌کان ئه‌نجامدرا به‌رێوه‌چوو .

له‌ساڵیاده‌که‌دا که‌ به‌رێز عه‌بدوڵا حاجى مه‌حمود وه‌زیرى کاروبارى شه‌هیدان و ئه‌نفالکراوان و ژماره‌به‌ک له‌به‌رپرسانى حکومى و حزبى ئاماده‌یى بوون ساڵیادى تاوانى گوندی صۆریا به‌رێوه‌چوو .

له‌یاده‌که‌دا وه‌زیرى کاروبارى شه‌هیدان و ئه‌نفالکراوان ووتارێکى پێشکه‌ش کردوو تیایدا ئاماژه‌ى به‌وه‌دا که‌ که‌یسی تاوانی کۆمه‌ڵکوژی صۆریا هاوشێوه‌ی که‌یسه‌کانی تری تاوانه‌ یه‌ک له‌ دوای یه‌که‌کانی ڕژێمی به‌عسی ڕووخاوه‌

وه‌زیرى کاروبارى شه‌هیدان ووتیشى : ئێمه‌ له‌وه‌زاره‌تی کاروباری شه‌هیدان و ئه‌نفالکراوانی حکومه‌تی هه‌رێمی کوردستان  به‌ئه‌رکی سه‌رشانی خۆمانی ده‌زانین که‌ له‌سه‌ر ئاستی هه‌رێمی کوردستان و عێراق کاربکه‌ین بۆ دابینکردنی ماف و ئیمتیازات و قه‌ره‌بووکردنه‌وه‌ی که‌سوکاری شه‌هیدان و به‌ تایبه‌ت مۆنۆمێنتی گوندی صۆریا له‌ پلانماندایه‌ که‌ له‌م ساڵه‌دا گوژمه‌ی ماوه‌ی پرۆژه‌که‌ ته‌واو بکه‌ین و دۆکیۆمێنته‌کانی ئه‌م کۆمه‌ڵکوژییه‌ و مێژووی سته‌م به‌ نه‌وه‌کانی داهاتوو ئاشنا بکه‌ین .

لە رێوڕەسمەکەدا وه‌زیرى کاروبارى شه‌هیدان و ئه‌نفالکراوان ووتارێکى پێشکه‌ش کرد که‌ئه‌مه‌ ده‌قه‌که‌یه‌تى :


میوانه‌ به‌رێزه‌کان 

که‌سوکاری سه‌ربه‌رزی شه‌هیدانی کۆمه‌ڵکوژی صۆریا 

به‌ناوی حکومه‌تی هه‌رێمی کوردستانه‌وه‌ به‌خێرهاتنی هه‌موو لایه‌ک ده‌که‌ین.

ئه‌مڕۆ ئێمه‌ لێره‌ین بۆ یادکردنه‌وه‌ی تاوانێکی دیکه‌ی دژ به‌ مرۆڤایه‌تی که‌ ڕژێمی به‌عسی ڕووخاو له‌ 16 ی ئه‌یلولی  1969 ده‌رحه‌ق به‌ پێکهاته‌ی خوشک و برا مه‌سیحیه‌کانمان له‌ گوندی صۆریا ئه‌نجامی داوه‌.

ئه‌و کۆمه‌ڵکوژییه‌ی که‌ تێیدا 39 که‌س له‌ ژن و پیاو و منداڵ له‌ کریستیان و کوردی موسڵمان پێکه‌وه‌ گولله‌باران کران و زیاتر له‌ 22 که‌سیش بریندارکران و گونده‌که‌یان سوتێنرا و خه‌ڵکه‌که‌ی ئاواره‌بوون.

ئه‌م تاوانه‌ پیلانێک بوو له‌ چوارچێوه‌ی سیاسه‌تی له‌ناوبردنی ته‌واوی پێکهاته‌کانی کوردستان به‌بێ جیاوازی و سڕینه‌وه‌ی نه‌ژاد و ژیان و ئاین له‌م ناوچه‌یه‌.



کلدان و مه‌سیحیه‌کان که‌ پێکهاته‌ی دێرین و گرنگی کوردستانن        و هاوشانی گه‌لی کوردستان به‌شداری شۆڕشه‌کانی ڕزگارییان کردووه‌ و شانبه‌شانی پێشمه‌رگه‌ خه‌باتیان کردووه‌ و له‌و پێناوه‌شدا شه‌هیدو قوربانیان داوه‌.

بۆیه‌ هه‌میشه‌ دوژمنانی کوردستان له‌ هێرشه‌کانیاندا له‌ سه‌رده‌مه‌ جیاکاندا هاوشێوه‌ی پێکهاته‌کانی تر تاوانیان به‌رانبه‌ریان ئه‌نجامداوه‌ هه‌ر له‌ کۆمه‌ڵکوژی سیمیڵ له‌ سه‌رده‌می ره‌شید عالی گه‌یلانی و کۆمه‌ڵکوژییه‌کانی ڕژێمی به‌عس و کۆمه‌ڵکوژی ته‌قینه‌وه‌ و کرده‌وه‌ تیرۆستییه‌کان تا ده‌گات به‌ هێرشه‌کانی ئه‌م دواییانه‌ی ڕێکخراوی تیرۆستی داعش ژماره‌یه‌کی زۆر له‌ برا و خوشکانی مه‌سیحی بوونه‌ته‌ قوربانی و به‌ سه‌دان گوندیان خاپورکراوه‌ و خه‌ڵکه‌که‌یان ڕاگوێزراون.

ئه‌م هاوچاره‌نووسییه‌ له‌سه‌ر ئه‌م خاکه‌ بووه‌ته‌ هه‌وێنی پێکه‌وه‌ژیان و ته‌باییمان و هه‌رکاتێک کورد ده‌سه‌ڵاتێکی سیاسی یان ئیداری هه‌بووبێت خوشک و برا مه‌سیحییه‌کانمان به‌شداربوون تێیدا و له‌ ئێستاشدا له‌ پرۆسه‌ی سیاسی و ئیداریی هه‌رێمی کوردستاندا کورسیان له‌ په‌رله‌مان و وه‌زیریان له‌ ئه‌نجومه‌نی وه‌زیران هه‌یه‌ که‌ ئه‌مه‌ مافی خۆیان و میراتی شه‌هید و قوربانییه‌کانیانه‌ و نموونه‌ی به‌رچاوی ته‌بایی سه‌رجه‌م پێکهاته‌ و ئاین و ئاینزاکانه‌ که‌ کوردستانی کردووه‌ته‌ چه‌تری پێکه‌وه‌ژیانی هه‌موومان.



ئاماده‌ بووانی به‌رێز.

ئه‌مرۆ که‌ یادی 50 ساڵه‌ی کۆمه‌ڵکوژی صۆریا ده‌که‌ینه‌وه‌ جێگای خۆیه‌تی ئاماژه‌ به‌ تاوانی قه‌تل و عام و سوتانی ئه‌شکه‌وتی ده‌کا بکه‌ین له‌ سنووری قه‌زای ئاکرێ که‌ هه‌مان ساڵ ئه‌نجامدراوه‌ زیاتر له‌ (70) ژن و منداڵ بوونه‌ته‌ قوربانی 


خوشکو برایانی خۆشه‌ویست 

که‌یسی تاوانی کۆمه‌ڵکوژی صۆریا هاوشێوه‌ی که‌یسه‌کانی تری تاوانه‌ یه‌ک له‌ دوای یه‌که‌کانی ڕژێمی به‌عسی ڕووخاوه‌ که‌ به‌رانبه‌ر خه‌ڵکی کوردستان ئه‌نجامی داون له‌( کۆمه‌ڵکوژی فه‌یلیه‌کان و بارزانییه‌کان و ئه‌نفالی گه‌رمیان وناوچه‌کانى تر و کیمیابارانی هه‌ڵه‌بجه‌ و ئه‌وانی تر )  له‌ دادگای باڵای تاوانه‌کانی عێراق دۆسیه‌ی هه‌یه‌ و ده‌بێت به‌ جینۆساید و تاوانى دژ به‌ مرۆڤایه‌تى بناسێنرێت و به‌پێى ده‌ستوور حکومه‌تی عێراقی فیدراڵ قه‌ره‌بووی زیانه‌کانی خه‌ڵکی ئه‌م ناوچه‌یه‌ بکاته‌وه‌.


ئێمه‌ له‌وه‌زاره‌تی کاروباری شه‌هیدان و ئه‌نفالکراوانی حکومه‌تی هه‌رێمی کوردستان  به‌ئه‌رکی سه‌رشانی خۆمانی ده‌زانین که‌ له‌سه‌ر ئاستی هه‌رێمی کوردستان و عێراق کاربکه‌ین بۆ دابینکردنی ماف و ئیمتیازات و قه‌ره‌بووکردنه‌وه‌ی که‌سوکاری شه‌هیدان و به‌ تایبه‌ت مۆنۆمێنتی گوندی صۆریا له‌ پلانماندایه‌ که‌ له‌م ساڵه‌دا گوژمه‌ی ماوه‌ی پرۆژه‌که‌ ته‌واو بکه‌ین و دۆکیۆمێنته‌کانی ئه‌م کۆمه‌ڵکوژییه‌ و مێژووی سته‌م به‌ نه‌وه‌کانی داهاتوو ئاشنا بکه‌ین .

له‌م یاده‌دا وه‌فاداری ده‌رده‌بڕین بۆ قوربانیانی گوندی صۆریا و سه‌ربه‌رزی و شکۆمه‌ندی بۆ که‌سوکاریان.

ئه‌رشيفى ماڵپه‌ڕى كۆنى وه‌زاره‌ت