العربية | English






        
لیستى سه‌ره‌كى
Skip Navigation Links
ماڵپه‌ڕ
ده‌رباره‌ى وه‌زاره‌تExpand ده‌رباره‌ى وه‌زاره‌ت
هه‌واڵ و چاڵاكیExpand هه‌واڵ و چاڵاكی
ئامار و توێژینه‌وهExpand ئامار و توێژینه‌وه
سكاڵای کەسوکاری شەھیدان
دادگای باڵای تاوانه‌كان
دۆكيۆمێنت
لێژنه‌ى باڵاى جينۆسايد
كتێبخانه‌
گه‌له‌ری‌Expand گه‌له‌ری‌
به‌سته‌ر
په‌يوه‌ندى
مارشی ئه‌نفال
راپۆرتی‌ چالاكییه‌كان

راپۆرتی كاروچالاكییه‌كانی به‌رێوبه‌رایه‌تی گشتی دهۆك له‌ ماوه‌ی شه‌ش مانگی یه‌كه‌می ساڵی 2012


Anfal minister steps up efforts on international recognition of Kurdish genocide during London-Hague visit


هه‌لی دامه‌زراندن لە وەزارەتی کاروباری شەهیدان و ئەنفالکراوان


شوینی گۆرە بەکۆمەلە هەلدراوەکانی عراق لەسەر نەخشەی زیندوی گۆگل


نەخشەی شالاوەکانی ئەنفال
 
وتاری وەزیری شەهیدان لە رێوڕەسمی 4مین ساڵیادی جینۆسایدی ئێزدییەکان
04/08/2018 10:06 ص

دەقی وتاری وەزیری کاروباری شەهیدان و ئەنفالکراوان لە مەراسیمی ٤ هەمین ساڵیادی جینۆساید کردنی کوردانی ئێزدی..

_________________

بە ناوى خواى گەورەومیهرەبان

-بەرێزان ، خوشک و برایانمان لە کوردانى ئێزیدى
-سەرۆک و ئەندامانى بەرێزى ئەنجوومەنى روحانى کوردانى ئێزیدى
-پەرلەمانتارانى بەڕێز ووەزیرە بەرێزەکان 
-نوێنەرانى پارتە و لایەنە سیاسیەکان
-بەرێزان لە کونسوڵ ونوێنەرى ووڵاتان و رێکخراوەکان و کۆمەڵگەى مەدەنى
-میوانە بەرێزەکان..
-ئامادەبووان بەرێز...

بە نوێنەرایەتى بەرێز سەرۆکایەتى ئەنجوومەنى وەزیران و بە ناوى لێژنەى باڵاى بەجینۆسایدناساندنى کوردانى ئێزیدى و پێکهاتە ئایینى و نەتەوەکانى تر وبە ناوى وەزارەتی کاروباری شەهیدان و ئەنفالکراوانى حکومەتى هەرێمى کوردستان، بەخێرهاتنى هەموو لایەکتان دەکەین بۆ چوارەمیین ساڵیادى جینۆسایدکردنى براو خوشکانمان لە کوردانى ئێزدى و پێکهاتەکانى تر کە لەبەرەبەیانى 3-8-2014 و لە کاتێکدا خەڵکى سڤیلى شەنگاڵ ودەوروبەرى خەریکى ژیانى ئاسایى خۆیان بوون، دەستى غەدرى تیرۆریستانى داعش گەیشتە دانیشتووانى ئەو شارە و دوور لە هەموو بەهایەکى ئاینى ئەخلاقى و مرۆڤایەتى، قەتل و عامیان کردن، لێرەوە سەری ڕێز بۆ رۆحى نەمرى سەرجەم شەهیدانى شەنگاڵ ودەوروبەرى دادەنەوێنین وسڵاو بۆ کەس و کارە سەربەرزەکانیان دەنێرین.

بەرێزان..

کوردانى ئێزیدى، دانیشتوانى رەسەنى ئەم نیشتیمانەن وئاینى ئێزیدى ئایینێکى کۆنى کوردستانە، و بە درێژایى مێژوو کوردانى ئێزیدى لەسەر ئاین ونەتەوەکەیان هەمیشە قوربانى زۆریان داوە و زیاتر لە 74 جار فەرمان ومەرگەسات و جینۆسایدیان بەسەردا جێبەجێ کراوە، سێ ساڵ پێش ئێستا و بە ئامادەبوونى بەرێز سەرۆکى ئەنجوومەنى وەزیران رووفاتى 68 شەهیدمان لە گۆرستانى شەرەفەدین و لە مەراسیمێکى شایستەدا بە خاک سپارد. ونزیکەى 68 شەست و هەشت گۆرى بە کۆمەڵ ماون کە لە ڕوى ئەمنى و سیاسى نێوان هەرێم و بەغدا نەتوانراوە ئەو گۆڕانە هەڵبدرێنەوە.

ئامادەبووانى بەرێز.....

خەڵکى خۆراگرى شەنگال و دەوروبەرى ئاوارەى شارەکانى ترى کوردستان بوون و لە وەرزى گەرمادا ڕوو بە ڕووى ژیانێکى سەختى ئاوارەبوون بوونەوە. داعش هەموو رێگایەکى نا مرۆڤانەى گرتە بەر بۆ تێکدانى بۆتۆگرافى ناوچەکە وتێکوپێکدانی پەرەستگاکانیان و بە زۆر گۆڕینی ئایین و باوەڕیان، کە سەرجەم پێکهاتەکانى تر لە کریستیان و کاکەیی و شەبەک وئەوانى تربەر ئەم هێرشە کەوتن و بێ بەش نەبوون لە قوربانیدان.

بەرێزان..

لە ماوەى چوار ساڵى رابڕدوودا، وەزارەتمان ولیژنەى باڵاى ناساندنى جینۆسایدى کوردانى ئێزیدى و پێکهاتە ئاینى و نەتەوەکانى تر هەوڵەکانى خستە گر بۆ کۆکردنەوەی داتا و بەڵگەی پێویست لەسەر تاوانەکانى داعش و بەجینۆسایدناساندنی تاوانەکانیان و لە رێگاى دامەزراندنى دەستەى لێکۆلینەوە و کۆکردنەوەى بەڵگەى تاوانەکان لە دهۆک خزمەتێکى زۆر گەورە کراوە بە کەیسەکە وبەڵگە و دۆکیومێنت لەسەر تاوانەکان کۆکراوەتەوە و وووتەى شاهێدحالەکان وەرگیراوە کە هەتا ئێستا توانیویانە زیاتر لە:

(4206) دۆسیە تۆماربکەین، کە (1778) دۆسیە لێکۆلینەوەیان تێدا تەواوبووە و ئامادەکراوە بۆ دادگا و 2428 دۆسیە لە ژێر لێکۆلینەوەدایە و هێشتا تەواو نەبووە. وە لە کۆى ئەو دۆسیانەى کە لێکۆلینەوەیان تێدا تەواو بووە (1191) دۆسیەیان تایبەت بوون بە کچان و ژنان و ئافرەتان. جگە لەوەى (2495) کەسى وونبوو تۆمارکراوە کە (845) کەسیان لە رەگەزى مێنەیە، هەتا ئێستا (2303) کەس لە کۆى وونبووان هیچ زانیارى و هەواڵیان نیە..

هەروەها هەتا ئێستا (2036) دۆسیەى تاوانى توندوتیژى سێکسى لە دەستەکەمان تۆمارکراوە دژ بە کچان و ژنانى کوردانى ئێزیدى کە (1052) کەسیان لە سەرەوەى تەمەنى (18) ساڵ بوون و (984) کەسیشیان لە ژێرەوەى تەمەنى (18) ساڵن.

خۆشک و برایانى بەرێز..........

 

وەزارەتى کاروبارى شەهیدان بە ئەرکى سەر شانى خۆى زانیوە خزمەتى کەس و کارى سەربەرزى شەهیدان و ئەنفالکراوان و زیندانیانى سیاسى بکات و بەردەوام لە سەرجەم سەردان و بۆنەو کۆبوونەوەکانیدا لەسەر ئاستى هەرێمى کوردستان و دەرەوەدا کارى کردووە لە پێناوى خزمەتکردنى ئەم کەیسەدا بە تایبەت لە کەیسى تاوانى جینۆسایدکرنى کوردانى ئێزیدى چ لەسەر ئاستى حکومى و چ لەسەر ئاستى رێکخراوەکاندا هەوڵى داوە بۆ بە دەست هێنانى پشتگیرى بۆ ناساندنى ئەم تاوانە وەک جینۆساید و دادگایکردنى تاوانباران و قەرەبووکردنەوەى قوربانیەکان. وە لە دوایین سەردانیشماندا بۆ ئەمریکا کۆبوونەوەمان لە گەڵ بەرێز کریم احمد اسعد خان سەرۆکى تیمى نێودەوڵەتی بۆ بەڵگەکردن و دادپەروەرى کە لە لایەن ئەنجوومەنى ئاسایشەوە بە ژمارە 2379 لە 21 ئەیلولى 2017 دامەزراوە، وهەروەها داوامان لە گۆنگریس مانەکان کرد کە هەوڵى دروست کردنى لۆبى بدەن بۆ ناساندنى تاوانەکانى داعش وەک تاوانى جینۆساید و تاوانى دژ بە مرۆڤایەتى وتاوانى جەنگ و هەروەها کار بکەن بۆ دامەزراندنى سەنتەرێکى دەروونى تایبەت بە قوربانیەکانى توندوتیژى سێکسى، و دروستکردنى مۆنیۆمێنتێکى تایبەت بە قوربانیەکانى کوردانى ئێزیدى لە شەنگال و ئەنفال لە گەرمیان.

هەروەها داوامان کرد هاوکارى حکومەت و وەزارەتەکەمان بکەن بە مەبەستى دروست کردنى تاقیگەى DNA کە بتوانین رۆفاتەکان بە کەس و کارە سەر بەرزەکانیان بناسینەوە و بەڵێنى هاوکارى جدیان پێ داوین.
لە کۆتاییدا سوپاسى خەڵکى بەشەرەفى دهۆک و دەوروبەرى دەکەین بۆ هاوکارى کردنى براو خۆشکانمان لەکوردانى ئێزیدى و پێکهاتەکانى تر هەروەها سوپاسى لیژنەى ئامادەکارى دەکەین بۆ رێکخستنى ئەم مەراسیمە.

سڵاو و درود بۆرۆحى پاکى شەهیدان و قوربانیانى دەستى داعش
سڵاو بۆ ژنان و ئافرەتانى زیندانەکان و ئاوارەکان
سڵاو و درود بۆ شەهیدانی شەڕی بەرگری دژ بە تێرۆریستان و تاریک پەرستانی داعش
سڵاو لە پێشمەرگە قارەمانەکان
وهیوای چاکبونەوە بۆ بریندارەکان دەخوازین
ئێوەش هەر شاد وسەرکەوتوبن.

ئه‌رشيفى ماڵپه‌ڕى كۆنى وه‌زاره‌ت