العربية | English






        
لیستى سه‌ره‌كى
Skip Navigation Links
ماڵپه‌ڕ
ده‌رباره‌ى وه‌زاره‌تExpand ده‌رباره‌ى وه‌زاره‌ت
هه‌واڵ و چاڵاكیExpand هه‌واڵ و چاڵاكی
ئامار و توێژینه‌وهExpand ئامار و توێژینه‌وه
سكاڵای کەسوکاری شەھیدان
دادگای باڵای تاوانه‌كان
دۆكيۆمێنت
لێژنه‌ى باڵاى جينۆسايد
كتێبخانه‌
گه‌له‌ری‌Expand گه‌له‌ری‌
به‌سته‌ر
په‌يوه‌ندى
مارشی ئه‌نفال
راپۆرتی‌ چالاكییه‌كان

راپۆرتی كاروچالاكییه‌كانی به‌رێوبه‌رایه‌تی گشتی دهۆك له‌ ماوه‌ی شه‌ش مانگی یه‌كه‌می ساڵی 2012


Anfal minister steps up efforts on international recognition of Kurdish genocide during London-Hague visit


هه‌لی دامه‌زراندن لە وەزارەتی کاروباری شەهیدان و ئەنفالکراوان


شوینی گۆرە بەکۆمەلە هەلدراوەکانی عراق لەسەر نەخشەی زیندوی گۆگل


نەخشەی شالاوەکانی ئەنفال
 
بە ئامادەبوونی وەزیری کاروباری شەهیدان یادی ٣١ سالەی ئەنفالی دەشتی کۆیە کرایەوە


بە ئامادەبوونی بەڕێز مەحمود حاجی ساڵح وەزیری کاروباری شەهیدان و ئەنفالکراوان و بەڕێوەبەری ناحیەکانی ئاشتی سێ گردکان، ئەندامانی پەرلەمانی کوردستان و کەسوکاری سەربەرزی شەهیدان، سەرلەبەیانی ئەمڕۆ 4/5/2019، لە مۆنیۆمێنتی ئەنفالی دەشتی کۆیە یادی ٣١ ساڵەی ئەنفالی دەشتی کۆیە کرایەوە.

 

سەرەتای یادەکە بە دەقیقەیەک وەستان بۆ گیان پاکی شەهیدان دەستی پێکرد و دواتر وتاری بەڕێوەبەری ناحیەی ئاشتی حاکم عومەر خوێندرایەوە کە تیایدا بەخێرهاتنی بەشداربوووانی مەراسیمەکەی کرد و دەستخۆشی لە ئامادەکاری یادەکە کرد و رایگەیاند کە بۆ خزمەتکردنی کەسوکاری سەربەرزی شەهیدان و ئەنفالکراوان حکوومەت درێغی نەکردووە، بۆ ئەمە وارسی سەربەرزی شەهیدان لە سنوورەکە زەوییان بۆ دابین کراوە لە رێگەی خانوو خۆکردیشەوە پارەیان بۆ دابین کراوە.

لە لایەن خۆیەوە لە وتەیەک دا بەڕێز وەزیری کاروباری شەهیدان و ئەنفالکراوان ئاماژەی بە گەورەیی ئەم مەرگەساتە کرد کە لە ئەنفالی چوارەمدا دەشتی کۆیەی کردە ئامانج و زیاتر لە 900 خەڵکی ئەو سنوورەی راپێچی مەرگێکی نادیار کرد.

هەر لە وتەکەیدا وەزیری کاروباری شەهیدان و ئەنفالکراوان ئاماژەی بە هەوڵەکانی وەزارەت کرد بۆ دەستەبەر کردنی ماف و ئیمتیازاتیان لە چوارچێوەی عێراقدا بۆ ئەمەش رایگەیاند کە لە داهاتوویەکی نزیکدا شاندێکی وەزارەت سەردانی بەغدا دەکات.

تایبەت بەو کەیسانەی کە لە دادگای باڵای عێراق وەک جینۆساید ناسێنراوە داوای لە نوێنەرانی کورد لە پەرلەمانی عێراق کرد کە هەوڵەکانیان بخەنە گەڕ بۆ قەرەبووکردنەوەی قوربانایانی جینۆسایدی گەلی کوردستان پشتبەستوو بەو بڕیارانە.

هەەروک داوای لێکردن کار بۆ جێبەجێکردنی مادەی 132ی دەستوور تایبەت بە ماف و موستەحەقاتی دارایی کەسوکاری سەربەرزی شەهیدان.

هەروەها لە بەشێکی تری وتەکەیدا وەزیری کاروباری شەهیدان تایبەت بە هێنانەوەی رووفاتی قوربانیانی ئەنفال رایگەیاند، لە هەر شوێنێک سەرداوی بوونی گۆڕێکی بە کۆمەڵ هەبێ، بەدواداچوونی بۆ دەکەین و رووفاتەکان دەگەرێنینەوە. لەو بارەیەوە لە ماوەی داهاتوودا کار لەسەر گۆڕە بە کۆمەڵەکانی سەماوە دەکەین.

پاشان وتاری بنەماڵەی شەهیدان و رێخراوی کۆژان بۆ پرسی ئەنفال خوێندرایەوە کە تیایدا دەستخۆشییان لە وەزارەتی شەهیدان و ئەنفالکراوان کرد کە تاکو ئێستا خزمەتگوزاری بۆ کەسوکاری شەهیدان بە تایبەت خانووی خۆکرد لە سنوورەکە کردووە و داواشیان کرد ئەو جاش و موستەشارانەی دەستیان هەبوو لە پرسی ئەنفالدا بخرێنە بەردەم دادگا.

دواتر تاجەگوڵێنەوەی وەزارەتی کاروباری شەهیدان و لایەن حزبی و حکوومەییەکان لەسە رمۆنیۆمنێنتی ئەنفال داندرا.

دواتر وەزیری کاروباری شەهیدان و ئەنفالکراوان گوێبیستی داواکاری کەسوکاری سەربەرزی شەهیدان بوو و بەڵێنی جێبەجێکردنی داواکارییەکانی پێدان.

 


ئه‌رشيفى ماڵپه‌ڕى كۆنى وه‌زاره‌ت