العربية | English






        
لیستى سه‌ره‌كى
Skip Navigation Links
ماڵپه‌ڕ
ده‌رباره‌ى وه‌زاره‌تExpand ده‌رباره‌ى وه‌زاره‌ت
هه‌واڵ و چاڵاكیExpand هه‌واڵ و چاڵاكی
ئامار و توێژینه‌وهExpand ئامار و توێژینه‌وه
سكاڵای کەسوکاری شەھیدان
دادگای باڵای تاوانه‌كان
دۆكيۆمێنت
لێژنه‌ى باڵاى جينۆسايد
كتێبخانه‌
گه‌له‌ری‌Expand گه‌له‌ری‌
به‌سته‌ر
په‌يوه‌ندى
مارشی ئه‌نفال
راپۆرتی‌ چالاكییه‌كان

راپۆرتی كاروچالاكییه‌كانی به‌رێوبه‌رایه‌تی گشتی دهۆك له‌ ماوه‌ی شه‌ش مانگی یه‌كه‌می ساڵی 2012


Anfal minister steps up efforts on international recognition of Kurdish genocide during London-Hague visit


هه‌لی دامه‌زراندن لە وەزارەتی کاروباری شەهیدان و ئەنفالکراوان


شوینی گۆرە بەکۆمەلە هەلدراوەکانی عراق لەسەر نەخشەی زیندوی گۆگل


نەخشەی شالاوەکانی ئەنفال
 
شاندێکی وەزارەتی شەهیدان بەشدارییان کرد لە یادی شەھید بوونی محمد باقر السدر



لە میانەی بەشداری کردنی لە مەراسیمی یادی شەھید بوونی محمد باقر السدردا
 
وەزیری کاروباری شەھیدان و ئەنفالکراوان: "رژێمی پێشوو ئەگەر لە ھیچ شتێک دادپەروەر نەبێت ئەوە لە قرکردنی و لەناوبردنی گەلانی عێراق دادپەروەر بووە".

دوای ئەوەی بە بانگهێشتێکی رەسمی وەزیری کاروباری شەھیدان و ئەنفالکراوان بە سەرۆکایتی وەفدێک بەشداری لە مەراسیمی یادی ٣٩ ساڵەی شەھید محمد باقر السدر کرد، کە دەزگای شەھیدانی فیدرال لە پێش نیوەرۆی رۆژی ٨/٤/٢٠١٩ لە مۆنۆمینتی شەھید لە شاری بەغدا رێکێکی خستبوو،  بەرێز مەحمود حاجی ساڵح وەزیری کاروباری شەھیدان و ئەنفالکراوان وتارێکی بە زمانی عەرەبی پێشکەش کرد. 

لە وتارەکەیدا بەناوی حکوومەتی ھەرێمی کوردستان سوپاسی دەزگای شەھیدانی عێراقی کرد بۆ بانگهێشت کردنیان بۆ ئەم مەراسیمە کە ھاوکاتە لەگەڵ ساڵیادی رووخانی رژێمی دیکتاتۆری لە عێراقدا.

وەزیری کاروباری شەھیدان و ئەنفالکراوان، شەھید محمد باقر السدری بە قوربانی زوڵم و تۆقاندن و لەناوبردینی رژێمی بەعسی ناوبرد کە زۆرێک لە بیرمەند و کەسایەتی سیاسی و دینی و پیاو چاکانی عێراقی کردۆتە ئامانج  گوتی: "ئەگەر ئەو رژێمە لە ھیچ شتێک دادپەروەر نەبووبێت ئەوە لە کوشتن و لەناوبردنی ھاونیشتمانی عێراق بە ھەموو پێکھاتەکانیەوە دادپەرووەر بووە و بە یەکسانی کۆمەڵکوژی کردوون".

لە بەشێکی تری وتەکەیدا وەزیری کاروباری شەھیدان و ئەنفالکراوان ئاماژەی بە شاڵاوەکانی ئەنفالکرد کە تیایدا زیاتر لە ١٨٢ ھەزار قوربانی و زیاتر لە ٤٥٠٠ دێھاتی وێران کرد کە بە ھەشت قوناغ بۆ لەناوبردنی گەلی کوردستان ئەنجامیدا و تاکۆ ئێستا چارەنووسی قوربانیان دیار نیە ئەوانە نەبێت لە چەند گۆرێکی بەکۆمەڵ دۆزرانەوە و روفاتەکانیان ھێندرانەوە کوردستان.

ھەروک دروست بوونی داعشی بە درێژەپێدەری سیاسەتی رژێمی لەناوچوو ناو برد و سەرکەوتنی بەسەر داعشدا لەسەر دەستی سوپای عێراق و پێشمەرگە کە بەخوێنی خۆیان کردە قوربانی بە سەرکەوتنی ئیرادەی گەلانی عێراق ناو هێنا. 

وەزیری کاروباری شەھیدان و ئەنفالکراوان سوپاس و ستایشی دەزگای شەھیدان و سەرۆکی دەزگا دکتورە ناجحە عبدالامیری کرد بۆ ھاوکاری کردنی لە دۆسێی ھێنانەوەی روفاتی ئەنفالدا و ھیوای خواست کە حکوومەتی فیدرال پشتگیری گەڕان و دۆزینەوە و ھەڵدانە و ناسینەوەی قوربانیانی گۆڕە بەکۆمەڵەکان بکات. 

ھەر لە وتەکەیدا وەزیری کاروباری شەھیدان و ئەنفالکراوان ئەو بۆنەیەی قوستەوە وەکو داکۆکی کار لە مافی کەس وکاری شەھیدان و ئەنفالکراوان داوای لە حکوومەتی عێراقی کرد کە پشت ئەستور بە بڕیاری دادگای باڵای تاوانەکانی عێراق قەرەبووی شایستەی کەس وکاری قوبانیانی بکاتەوە وماددەی ١٣٢ دەستور جێبەجێ بکات کە حکوومەتی فیدرال پابەند دەکات بە ژیانی شایستە بۆ کەس وکاری شەھیدان و قەرەبوویان بکاتەوە.

لە کۆتایی قسەکانیدا وەزیری کاروباری شەھیدان و ئەنفالکراوان ھیوای خواست ئەو پەیوەندی و لێک نزیک بوونەوەی حکوومەتی ھەرێمی و اتحادی بەردەوام بێت وەک وەفایەک بۆ روحی شەھیدان کە خوێنیان تێکەڵ بەو خاکە بووە.
 

ئه‌رشيفى ماڵپه‌ڕى كۆنى وه‌زاره‌ت